مكنليش ضهر
ولا كنت عارف أنا مين
مش لاقيلى مكان أمين
مفهوش قهر
كل كلمه بأقولها خايفة
تبقى نور
يشق ضلمة من سنين
شايفة العيون قدامها الخيانة
وخايفة تقول
كانت جبانة
لحد ما هبوا الشباب فى شهر
كان مواعد يبقى زهر
يبقى ورد يبقى حب
قدموه لشعب مصر
النهارده القلب جامد
والشعب واحد
والكنايس والمساجد
فرحانين والإيدين فى الإيدين
يا شبابنا كنتوا فين من زمان
الجمال دا والأمل دا فجأة بان؟
واللا كنتوا مخططين وإحنا اللى كنا مرعوبين
الشهيد كان وحيد وله أمانى
مات وليد مات عشانى
فى ثوانى
وساب تاريخ إتكتبله له معانى
صعب يفهمها الطماعين والمأجورين
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة