هى ثورة قومنا بيها
ضد كل المفسدين
ابتسامة فجر طالعة
وسط أشواك الأنين
ميلاد جديد لأقوى أمة
كانت غايبة من سنين
مصر يا شجرة حياتنا
إحنا أوراق الربيع
مهما طال ليل سكاتنا
احنا حصنك المنيع
قادرين نكون فى أى وقت
بركان دمار على كل خاين
والمصرى قالها أنا جد فقت
وكل شىء فداكى هاين
ولا يوم يا مصر هاكون أسير
لظلم ظالم مهما كان
الكل بان يا مصر بان
وعرفنا الخاين والجبان
ومهما قالوا علينا احنا
حلمنا هوا الأمان
ظلم البشر عارفين مصيره
والحق بان الحق بان
ها تعيشى يا مصر
ها تعيشى حرة
وكل خاين ليكى بره
مالوش مكان وسطنا
دا فى كل حارة ألف ثاير
على أى حد يخون يا مصر
وكل شىء فداكى هاين
وبكرة جاى بألف نصر
اوعى تنسى يا مصر أوعى
دم ابنك الشهيد
اللى ضحى يوم عشانك
اوعى تنسى الوليد
اللى كان حارس أمانك
وقت ما باع الخسيس
مصر أغلى م الأسامى
والمعانى والكلام
مصر قادرة تكون بداية
ليوم جديد كله سلام
ابتسامة مصر غالية
أغلى من كل الحياة
يا حبيبة عمرى لسه
الحياة طالبه حياة
البداية بكره أيوه
البداية لكل شىء
كان زمان يا مصر غنوة
حلمنا شاف الطريق
كان سنين تايه حزين
بيسأل يناس طريقى فين
حوشوا عنى المفسدين
افتحولى الطريق
عايز الحق نور جديد
سيبوا ولادى سيبوهم
يرسموا ليا الطريق
ليه بشده بتحوشوهم
دول بداية لنور جديد
ألف سلامه يا مصر ليكى
بكره أحسن م اللى فات
والحياة يا مصر فيكى
هتكون أمان الظلم مات
يا مصر قادرة والله قادرة
تخطى أى مستحيل
وابتسامتك يا مصر واجب
نعدى بيها لألف جيل
واقفين يا مصر فى كل شارع
نحمى ظهرك م الخسيس
اللى خان واجب أمانك
اللى باعك بالرخيص
واقفين يا مصر فى ادينا قوة
عمرها آلاف سنين
م النها ردة بكره أحلى
وشبابك فتحوا الطريق
لكل خير يا مصر بكرة
ابتسامتك نور كبير
أقوى من كل الصعاب
ابتسامتك يا مصر حرة
تراث قديم فى توب شباب
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة