يا مصر قومى اتكلمى ومتسكتيش
الشعب قرب ينتهى متفكريش
بمظاهرة هيموت الكلام
قومى اصرخى علشان نعيش
يا شعبنا الصوت اتنبح اخلو الميدان
يا أمة الإسلام حرام ضاع الأمان
يا حكومة قومى اتحركى متكسليش
النار هتحرق كل أركان البلد
والموت هيخطف بنت كانت أو ولد
هنقوم ندور ع البلد فين البلد
نلقى البلد بين يوم وليلة خلاص مفيش
يا رب سلم أرضنا من الغاصبين
يا رب وارحم شعبنا من المجرمين
يا أمة الإسلام هندعى
كلنا يا رب يحفظ أرضنا
ويصون ولدنا وبنتنا
تعالوا ندعى كلنا
لمصر تبقى علشان نعيش
يا مصر قومى اتكلمى ومتسكتيش
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة