رامى محمد زين يكتب: اللجان الشعبية

تسلم إيدك يا ابن بلدى.. ع اللجان الشعبية.. دافعت عن بيتى وولدى..

لما انسحبت الداخلية.. ودافعت عن أرضك وأرضى.. وحميت مصر البهية..

دى الأرض عرضك وعرضى.. لازم نحميها من الحرامية.. تسلم إيدك كمان

ع الرجولة.. النهارده معدنك بان من تصرفاتك المسؤولة.. وأنت وابن الجيران..

عملتوا دروع.. وكمين للجبان.. وقولتوا للبلطجة ممنوع.. ونظفت الشوارع..

ونظمت المرور.. وبشكل بارع.. أديت أحلى دور.. وعيونك طول الليل كانت

ساهرة.. ودورك كان جميل ف أحياء القاهرة.. وبسرعة كنت تجرى على صوت

المستغيث.. بليل والصبح بدرى ف الإسماعيلية والسويس.. تسلم إيدك

يا ابن بلدى.. ع اللجان الشعبية.. دافعت عن كل أرضى.. من أسوان

لإسكندرية.. مصر من قلبها بتبعتلك تحية.. دافعت عنها وشيلت المسؤولية.