فيسبوك
واتساب
يا صباح الخير بلادى
فى الجبال و كل وادى
قاهرة وإسكندرية
و السويس لما تنادى
*******
مصر يا حرة وأبيه
يا صبية ويا عفية
جم ولادك دقوا بابك
جاى يضحى بروح رضية
*******
كنا بنقول دا الصغير
لأ دا واعى جاى يغير
راح على التحرير يقولها
لأ لظالم لا لمزور
*******
الشباب الأسمرانى
قال دى أرضى و دا زمانى
جاى أزرع فى بلادي
و اجنى زرعى الأخضرانى
*******
المرض جهل وبطالة
محسوبية و العمالة
كل دا والحلم عايش
والأمانى مش محالة
*******
قوم يا شعب و صون حقوقك
صرخة الحرية طوقك
كمِّل المشوار وواصل
فِكْرك الواعى شروقك
*******
قولها كلمة وبكرامة
دم أخوك علِّم علامة
انتصر له طفِّى نارة
قول يا ماضى بالسلامة
*******
اوعى لا يخونك حصانك
بالأصول حقق قرارك
الرئيس لو كان هيرحل
برده حارب يوم و صانك
*******
الوفاء و العفو شيمتك
دا انت مصرى من شهامتك
كلنا بيصيب و يخطأ
بس مش ترجع لصمتك
*******
لو ركبت الموجة آسف
بس كنت جبان و خايف
بس مصرى لى حلى
كنت غايب بس شايف
مظاهرات
