اضغط ضغطة
راح تطلع لك صفحة جديدة
ال (admine ) فيها اسمه الشعب
العضو الأول كان سكة
العضو التانى... قدم الشمس
( vedio )
تراتيل سلام
ويا سجادة صلى
والميدان
فارد جناحه
ف السما
( photo)
كاريكاتير
على ضهر كنتاكى
اللى صدى
فى الميدان
( comment 1 )
الدخول هنا ببلاش
والقعاد ما فيهوش كاشات
( comment 2 )
الأجندة
صفحة بيضا
لأنها
بنت المكان
( comment 3 )
لكن مكارثى
رافض يشوف
صورة الحقيقة
والزمان
( vedio)
إشارة خضرا
بيعدى منها ميت جبان
واللى رفض ... يفتح إشارته للخراب
بدمه عدى
للأمان
( note )
من بنى آدم
لكن عفريت
طلّع فكرة
حرّك أمة
فى الحلم ذكى
فى الحسبة
حويط
...........
...........
عروستى
( share )
............
............
عروستى
( vedio )
ظابط ساعته
على صرخة الحلم اللى ماشيه
ف الشوارع
ولما ثارت ساعته فجأة
لان وكسرها العقارب
( note )
أُقر أن أبنى الوحيد
مامتش من شظية عميلة
أن موتة الطفل كانت
حادثة مش قتل وجريمة
................
................
حذرونى وقالوا يابنى
خلى بالك ... للشظية عيله
( لما نزف الجرح قال
لصحابه أوعوا تقولوا لأمى
عشان ماتضربنيش لأنى
جيت هنا من غير ما تعرف)
( note )
مابيسمعش
لكنه سامع نبضها
ولما صرخت
رصاصة فاجره
بدمه وشوش
حلمها
( shat )
الحرية: الحلم طيارة ورق
طايرة بحبال عنكبوت
القهر: الحلم صورة بربرية
لقطة ثابتة للجحود
الحرية: اللقطة واقع
القهر: اللقطة وهم
الحرية: اللقطة صورة وألف صوت
اللقطة سكة للبراح
ساكناها روح
بره الحدود
إهداء إلى شهداء مصر
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة