إيمان محمد حامد تكتب: إحنا رايحين فين؟

نفسى بجد نشوف إحنا رايحين فين بدل من الوقت اللى بيعدى وإحنا بنتكلم على نظام سابق عايزين بجد نعمل حاجة لبكره كفاية كلام على اللى عدى.

لاحظت حاجة واحدة تجمع الشعب المصرى هو الكلام بدون فصال، حتى إنها أصبحت ظاهرة حتى إنى تصورت أن الجنين فى بطن أمه يتكلم ما دا اللى ناقص.

حتى اللى كان ساكت ويقول السكوت أحسن الوقت يقول الكلام أحسن وأحسن وحتى الحكمة اللى بتقول خير الكلام ما قل ودل أصبح الآن خير الكلام ما زاد ومل لدرجة أننى تمنيت أن الكلام يكون بفلوس ممكن يسكتوا ولا مفيش فايده خلاص دا أصبح طبع فيهم وعايزين يعوضوا اللى فاتهم بس كفاية كلام نفسى أشوف حاجة واحدة كلنا نعملها هى اتباع حديث الرسول _ صلى الله عليه وسلم _ "فليقل خيراً أو ليصمت" نفسى بجد نبدأ العمل وننسى اللى فات ونشوف اللى جاى قبل ما ييجى اليوم ونقول ياريت ما كلمنا وعملنا أحسن. اللهم بلغت اللهم فأشهد.