عهــــــــــــــد وللظلم أسس
ونظام خــــــــــّون وعسس
ومصر بلدنــــــــــــا عزبة
وصاحبها البــــــاشمهندس
ولا ذكـــــــرى ليوم كويس
ولا فكر ونــــــــاس تسيس
لكــــــــــــــن وبنية صافية
قلبى مسامحك يــــــــاريس
لـــوكنت بيا حـــــــــاسس
ساهر على حقى حــــارس
كنت ح اخليك يـــــــاريس
على عرش القلب فــارس
ع العين والــــراس أشيلك
وافضل أحــــــــلف بجيلك
واقـــــــول النصر نصرك
واقــــــــــول النيل دا نيلك
كـــــــان بيا العمر ماضى
وتعبت وكنت راضـــــــى
وقلــــــــــــت كتير لنفسى
ايـــــــه ح يفيد اعتراضى
كـــــــــــــــان أبعد أمنياتى
بكـــــــرامتى أعيش حياتى
ولمصر العــــــــــــــــز كله
مش عـــــــــايز شيئ لذاتى
سنين أنــــــــــا مش عاددهم
شوفتك عــــــــــــايز تزيدهم
بصيت لـــــــــــولادى لحظة
وصرخت أرجــــوك تسيبهم
لكــــــــــنك قـــــــــلت نفسى
وبــــــــــدأت أشعر بيــــأسى
نـــــاديت يسقط نظامــــــــك
وهتفت بكــــــــل بــــــــأسى
أنــــــــا جيت رافــــــع ايديا
رديت بـــــــــالنار عــــــــليا
ليه استعجلت يـــــــابــــــــــا
كنت استنيت شويـــــــــــــــه
بذخيرة حقــــــــد حيــــــــة
راح فـــــــــــــــوق التلتمية
وبـــــــــــــــأمر مين ياريس
دخـــــــــــــــل المطاط عنيا
كـــــــــــانت حواليك عصابة
زادهم دم الغلابـــــــــــــــــة
وسايبهم فيا يــــــــــــــــاكلوا
فريسة ف وسط غابــــــــــة
خوفت علـــــى ولادى منهم
دول مين اللــــــــــى يآمنهم
ولا رب يخــــــــــــافوا منه
ولا أب عشان يـــــــــــدينهم
دول نــــــــاس مابيرحموش
دول يــــــــاخدوا مايدفعوش
ويـــــــــاكلوا مهما يـــــاكلوا
علــــــــى طول مابيشبعوش
بسببهم راح زمـــــــــــــانى
ضاعت هيبتى ومكـــــــانى
وف آخـــــــر الصف واقف
وأنــــــــــــــا كنت الأولانى
قسوة عنـــــــــــادى وعنفها
اللـــــــى ف عيونى شوفتها
فكـــــــر يــــــاريس وافتكر
تعرف منين أنـــــــــا جبتها
أنــــــــــا رد فعـــــل لفعلتك
وضحية ليــــــك ولصحبتك
أرض الوطن مـــــن قسمتى
وانت الرحيل مــــن قسمتك
ذاعـــــــــــوا البيان ومشيت
علــــى نفسى قــــوام ناديت
مش دا اللــــــى كنت عايزه
أومال أنـــــــــــــا ليه بكيت
مـــــاقصدتش م البدايـــــــة
تتنفس غير هوايـــــــــــــــا
تبعد عن مصر لكــــــــــــن
انت اخترت النهايـــــــــــــة
مشاركة
اضف تعليقاً واقرأ تعليقات القراء
مشاركة
