فيسبوك
واتساب
أدعى على شخـص نافـق واللا على الجانى
واللا حـرامى سـرقـنى من تـوبى عــرّانى
واللاعـمـيــل من داخلنــا والتــانى بــرانى
واللا أميــن للسيــاسـة ضيعـنى ورمـــانى
وغيــره مــرر عيشتنـــا ع الــذل ربـّــانى
وهـوه فى قصـر عايـش فى العـز ونسـانى
.....
أدعى على مين واللا مين والكل حراميه
واللا على راس كبيـر زرع الهـوان فيـه
كـل كـلامـه هجــايص ووعــود هلاميـه
وحــزب فاشــل عقيـم مليـــان حــراميه
زرعـوا الفسـاد فى البلاد وسمموا الميـه
وكتـّاب لزوم المناصب فيهم النفاق غيـّه
كســروا جنـاح كـل بلبــل شـَدى بأغنيـه
أو أى شــاعـر جـمـيــل طـالـب بحـــريه
أدعى على مين واللا مين وراسى محنيه
يـارب ســوّد عيشـيـتهــم ونـــوّر ليــاليه
والكـل ياخــد عقابــه فى سجــون محليـه
ولا يفلــتوا زى واحــد نــط من الخيـّــه
