فـــــــــى يناير خمسة وعشرين
ثـــار الشعب علـــــــى الفاسدين
مصر انتفضت فجـــأة وصبحت
كـــــل ولادها صلاح الديـــــــن
خــــرج المصرى بحـــــول الله
قـــــــال دى قضية موت وحياة
ح أرجع مصرى حر وعصرى
وأمــــلا فضاء الكــــون وسماه
ثــــــورة اتحـــــدّت سيف القهر
ثـــــورة ودم شبــــــــابها المهر
أمل الأمة فــــــــى كشف الغمة
ثــــــــورة ح تبقى حديث الدهر
ثـــــــــــورة بدأها شباب أحرار
رفضوا الــــــذل ومسحوا العار
قــــــالوا بلدنـــــا وأم ولادنـــــا
مش ح نسيبها فــــــى ايـد تجار
مصر نــــــادتهم لبوا نــــــــداها
هما جنـــــــودها وهما فــــــداها
يرخص كـــــل الغالـــى عشانها
واللـــــى عشانها يموت أحيــاها
اعلـــــى يــاثورة بصوت الحــق
قولـــــــى لظـــــلم الظــــــالم لأ
بعـــــــد العتـــــمة وكبت الكتمة
طلع الفجـــــر بنــــــــوره وشق
غنــــى يـــــــــــاثورة مع الثوار
هاتـــــى ماعندك مـــــــن أخبار
فــــــى التحرير الصوت بيدوى
وبتتهز معــــــــــــاه أقطــــــــار
خبى يــــــــــامصر ولادك خبى
م اللــــى بيحسد واللـــــى معبى
شهد العالم ليكـــــــى وقــــــــال
والله يـــــــــامصر عرفتى تربى
مظاهرات
مشاركة
اضف تعليقاً واقرأ تعليقات القراء
مشاركة
