ناصر صلاح يكتب: مانشيتات ثورية

1
أجمل ميادين الكون
هو ميدان التحرير
أجمل أجيال الكون
طبعاً جيل التغيير
لو عشت الثورة صغيرة
هتعيش العمر كبير
وتواجه كل مصاعبك
ولا تسكت ع التزوير
ولا يوم هيبيعك تاجر
ولا تصبح عبد أجير
ولا يتحكم تعبان
ولا تختل المعايير
أجمل ميادين الكون
هو ميدان التحرير

2
يا شهيد الثورة المصرية
سجل بدماك الوردية
حدوتة أحمس وبهية
حدوتة جرجس ومحمد
وصمود الوحدة الوطنية
فلتحيا الثورة المصلية
وليحيا الجيش والحرية
وإرادة مصر الحديدية
وليسقط كل الحرامية

3
هاتوا دم شهيد
سالى وسعيد
واتحنوا وحنوا جميع لحباب
سبحان من سبب دى الأسباب
الله
الله ع الطيب
دا الجرح يطيب
والقلب الضاق
أصبح مشتاق
واسع ورحيب
واليوم الوقفة
وبكره العيد
هاتوا دم شهيد
واتحنوا وحنوا جميع لحباب