عمر البجلاتى يكتب: نشيد الصمود

ونرحل ويرحل وتفضل شهود
وتفضل بلادى ويفضل تابوت
بيحكى يا مصرى حكاية صمود
وقصة تحدى تعدى الحدود
ويفضل هتافك محمد بارود
ويطوى كلامك يا سالى السكوت
وتبنى ضلوعك ياسيفنا السدود
فى وش الأعادى صحاب اليهود
هموت النهاردة وايه يعنى أموت
عرفنا الليلادى حلاوتك يا موت
بدمى راح اكتب تاريخ الوجود
تاريخ الإرادة يا أشرف جنود
كتير قالها لينا هفرق وسود
هغرق سفينة وارشى الشهود
هبيع المدينة وأغش العقود
وان مرة واحدة لقيت فيكو صوت
راح احرق عماير وخرب بيوت
وامثل وادمع وألف عهود
وابلطج واطلع جِمال أو قرود
رصاصك بلاستيك ياريس خانوك
قنابل دموعك مصيرها الخمود
ودمعك لوحدو هيروى الخدود
هنفضل نقولها لكل الوجود
مسيحى ومسلم وابيض وسود
محدش بيسمع لقاتل ردود
يناير يا ريت إما تخلص تعود
تفكر صاحبنا بعاد أو ثمود
ويالا نسمع نشيد الصمود
بلادى بلادى ولادك أسود