رفيدة محمد عبد المنعم تكتب: ما بحبكيش بالشكل ده

الأربعاء، 07 ديسمبر 2011 04:10 م

علم مصر

اضف تعليقاً واقرأ تعليقات القراء

وشك عجوز وضاربة بوز
ما بحبكيش بالشكل ده
متقيدة ومعقدة
ودافنة شبابك تحت شوز
متعودة على لون وحيد
وبتكرهى كلمة جديد
على كوم تراب متسيدة
متعلمة هدر الحقوق
حتى الهوا حطاله طوق
ومن العذاب متأكدة
لو تسمعى كلمة يجوز
وتردى على مليون ندا
محناش أجانب أو دروز
نرضى بحالك ده كده
قال يحكمك واحد عجوز
ما أنتى خلاص متعودة
حكمك صدف وساعات حظوظ
ومين شباب فيه كل ده
ولا فيه ميدان ولا فيه رموز
يا مشمتة فينا العدا
ما بحبكيش بالشكل ده