فيسبوك
واتساب
فيه ميدان للحق
وميدان للباطل
والعامل تايه فى العاطل
والدنيا تلاهى وهدت حيل
والشمعة الوحدة السهرانة
ما تبدد حوالينا الليل
والفطرة الحرة الإنسانة
تقدر ترشدنا لأى سبيل
والعار ع النفس الطمعانة
لميدان الباطل بس تميل
فى ميدان الحق واقف ملايين
غيطان القمح المروية
من فيض النيل
واقفين بالكلمة المسموعة
يتحدوا الويل
بقنابل غاز ورصاص مطاط
الدم يسيل
بيسدوا تمن الحرية
والصبر جميل
في ميدان تانى آلاف واقفين
لا فيه غاز ورصاص
ولا حد قتيل
ولا حتى فى واحد قناص
يغلط ويجيلهم فى الليل
بيغيروا فى أسامى الناس
الثائر بقى اسمه عميل
وأصابع قذرة وخارجية
بتحاول تعمل تعديل
وبيهتفوا لا للحرية
الشعب ده طول عمره ذليل
والثورة ماهيش مالية عنيهم
عايزين على ثورتنا دليل
ملحوظة لميدان الثورة
الطاهر أبو دم نبيل
لو كنت هتقطع رأس حية
أتأكد من موت الديل
ميدان التحرير
