فيسبوك
واتساب
يــا مغرمين بـــالمليونية
يا مقربين ع الملياريـــة
شدوا حيلكـوا اتجدعنوا
بحبحوا إيدكم شويــــــة
يـــــــاللا خلوا المليونية
كل يـــوم مش أسبوعية
وظفوا فيها اللى عـاطل
واللى عــــايش باليومية
مليونيه تقول كفايـــــــة
للى ضدى ومش معايـا
مليونية سوء نوايــــــــا
مليونيـــة حسن نيــــــة
مليونيه يقودهـــا عطوة
اللى شايل سيف ومطوة
ليه نمد بمصر خطـــوة
يـــــاللا نرجع خمسمية
مليونيه عشان دا يخلـع
مليونية عشان دا يولـع
خلوا كله يشوف ويسمع
خيبة المصرى القويــــة
مليونية يحيــــــا جيشنا
مليونية مـــــات وعشنا
مليونية لقطع عيشنـــــا
ضرب مصر المفتريـة
مليونية عشان قبضنـا
لأجل ينهار اقتصادنــا
لأجل مانأكل ولادنــــا
مــــــن بتوع الإنسانية
مليونية لكل حــــــــابل
مليونية لكل نـــــــــابل
مليونية عشان تقابـــل
اللى جــاى م العباسية
صورة أرشيفية
