نعم أنا مسالم
ولكن عمرى
ما ح أستسلم
وأبيع حقى
أنا مقاوم
................
ومش ندمان
على الثورة
ومش قابل
حرامى يجيى
ويساوم ..ويسرقنى
................
وأنا حاسم
نعم حاسم
فى معركتى
مع الفاسدين
مع القلة.. مع السارقين
................
خانونى
وباعوا الأرض
وترابها
وأنا فاكر.. إنهم قادرين
...............
وضاع الحلم
من بيتنا
وسرقوا.. شبابى
وادعوا
أنهم صالحين
.............
ومش عارف
لمين واخدين
لغيرى واللا للأغراب
حصدوا .. شقايا سنين
................
ولما عرفت
صبرت كتير
وده طبعى
وطال صبري
وعشت حزين
...........
أقول بكره
الندم يغسل
ويمكن..
يرجعوا نادمين
................
وخاب الظن
وهم يا ناس
خلاص فسدوا
ومش نافعين
....................
وصبر سنين
صنع غضبى
فى جوفى
بكاء وأنين
...........
وأنا بغرس
فى قلب النار
شبابى.. شباب ثورى
ومش نادمين
...............
يحررنى وينصرنى
على حفنة
على عصبة
من الحاكمين
...........
شبابى.. شباب مصرى
شباب واعى
شباب ناصح
بطبعه.. متين
...........
وهم النار
على الفاسد
وهم الخير
على بلادنا
على المساكين
..............
وهم نهار
ليل غادر
وكان فاكر
أنهم ضعفاء
وأنهم عاجزين
.............
لكنه خلاص
نهايته الفجر
وأنا ما اعرف
يا مصر
حروف آسفين
..............
وانا بكره
ارجع كل أمجادى
وأجيب زادى
بإنتاجى
وعزم متين
صورة أرشيفية
مشاركة
اضف تعليقاً واقرأ تعليقات القراء
مشاركة
