ياللى رصيدك كان يسمحـلك تملى شروط الحب عليّـــــــه
وإما وافقتك تملى شروطـــك ليه عايز تتحكم فيـّـــــــــــــه؟
أنا ممنون لوقوفك جنبـــــــى وبقولك شكرا من قلبــــــــــى
بس اسمحلى إنى أقولــــــــك خف عذابك عنى شويــــــــــو
.......
أنا ضحيت لك أكتر منــــــك حتى الروح شلتها على كفـى
كنت شجاع ومقاتل عنــــــك وشهمتى فى يناير تكفــــــــى
مبخلتش بحياتى ودمـــــــــى ولا هزتنى دمعه من أمــــــى
كان إصرارى بيغلب ظنــــك وحملت الشهداء على كتفــــى
.......
كنت أتمنى أشوفك أجمـــــــل من أحلامى ومن أيامـــــــــى
كنت أتمنى أشوفك أنبـــــــــل وبتسعى بقلبك قدامـــــــــــــى
وأرمى حمولى وهمى عليـــك وأشوف الحق على إيديـــــــك
لكن اسمحلى وبلاش تزعــــل حبك كان أكبر أوهامـــــــــــى
.......
ياللى رصيدك كان يسمحلـــك تدخل قلبى بكلمه ونظــــــــره
بعد الصبر اسمحلى أقولــــــك مانتاش قد أمالى فى بكــــــره
ولا قد مشاعرى وطموحـــــى اللى عشانها غامرت بروحـى
واسمحلى من قلبى أقولــــــــك مانتش قد طموحى بالمــــــرّه
.......
ياللى رصيدك كان يسمحــــلك إنى أصدق كل كلامـــــــــــــك
واما أخاف على نفسى اندهلـك ويطمنى وقوفى قدامــــــــــــك
بعد دا كله جرالك إيــــــــــــه؟ خليتنى أخاف منك ليـــــــــــــه
واهرب منك لما بقابــــــــــــلك وأتمنى فراقك وخصامـــــــــك
.......
ياللى رصيدك كان يسمحلـك ليه خلصت رصيدك عندى ؟
ياما سهرت ليالى اقولـــــــك زى ما بديك لازم تــــــــدى
كانت إيدى وإيدك واحــــــدة كنا لبعض حنان ومـــــــوّدة
بعد القسوة اسمحلى أقولــــك إنى رصيدك خالص عنــدى
.......
صورة أرشيفية
مشاركة
اضف تعليقاً واقرأ تعليقات القراء
مشاركة
