خالد الصاوى يدافع عن 6 إبريل ويهنئ المسيحيين بالكريسماس

دافع الفنان خالد الصاوى عن الحركات الثورية مثل حركة 6 إبريل، حيث كتب على صفحته الخاصة على موقع فيس بوك "خلال السنوات اللى كان فيها جنرالات مبارك ورموز إعلامه وسماسرته بيرسخوا وبيحرسوا وبيستفيدوا من النظام الظالم، كانت المجموعات الثورية زى ٦ إبريل والاشتراكيين الثوريين بتناضل بجوار باقى التيارات المعارضة الممنوعة، مطالبين جميعا بإسقاط دولة الظلم وإقامة دولة العدل مع اختلاف الرؤى طبعا".

وأضاف صالح "ما ينفعش خالص النهارده نبلع أى طعم ونقبل التشويه أو التجنى على أى مجموعات ثورية وبالذات لما ييجى الهجوم ده من نفس حراس النظام القديم وبنفس لغته وأساليبه!! انتبهوا، هى دى المقدمة المنطقية للتهجم بعد كده على أحزاب الكرامة والمصريين الأحرار وغيرهم، ثم على النور، ثم على الحرية والعدالة فى النهاية وبعد كده يجيلنا رئيس تابع للمؤسسة العسكرية وحواليه شوية أحزاب كرتونية بلا أنياب، انتبهوا جيدا، لا يجب أن نسمح بتكرار سيناريو ١٩٥٤ ولا أى سيناريو سابق أصلا، انتبهوا وبلغوا الجميع لكى ينتبهوا، فيه أصلا قصة للأطفال شبه كده وعيب قوى تحصل معانا، القصة بتاعة أكلت يوم أكل الثور الأبيض".

ثم كتب الصاوى مهنئا الإخوة المسيحيين، حيث كتب "أنا قليل الذوق عشان الأحداث المكعبلة دى شغلتنى فما قلتش ميرى كريسماس يا أحبائى، طيب وبالمرة بقى عام جديد سعيد و7 يناير ملىء بالبركة وعيد ثورة أول مجيد، وكده أنا تمام بالنسبة للأعياد لحد شم النسيم، هيا ابتسموا فى أشد الأوقات إظلاما، فهكذا فقط يبزغ النور.. حبى واحترامى لكم جميعا دائما".