فيسبوك
واتساب
الرياح جامدة وقوية
واللى فيه هوه فيه
ربى عالم إنه ظالم
بالوعود يضحك عليه
***
أحلى فترة يبتسملك
وبكلامه يخف حملك
والعسل ف لسانه يقطر
بالسلام علطول يقابلك
***
أصل صوتك راح يهمه
والحنش نايم ف كمه
ولما بكرة راح تقابله
يقرصك ويحط سمه
***
الحرارة نازلة نازلة
قاطعة بينا لأ وعازلة
بعد كرسى البرلمان
مقابلة باردة آه ورزلة
***
السحاب ف الجو عالى
راح نغربل ياليالى
واللى فى الغربال هيبقى
صوتى ياخده ولن أبالى
***
راح تمطر من سمايا
وحبى هبدر ف الحشايا
لابد زرعى راح يرعرع
واحرسه لو بالعصايا
***
شمس مصر لابد ترجع
جرح جنبى لسه بوجع
والأمل ف القلب صاحى
لاجل نورك تانى يطلع
سماء وشمس
