عاشق ترابك يا وطـــــــــن والعشق للأوطان جميــل
عاشق ومهما قولتلــــــــــك مقدرش على رد الجميل
كون إنى أنسى موادتـــــــك أو أنسى فضلك مستحيل
عاشق لثومه والهــــــــــرم عاشق وأنا عشقى نبيــل
عاشق لايام عشتهــــــــــــا جنب السواقى والنخيــل
وإسكندرية وبحرهـــــــــــا ولشمسها عند الأصيــــل
ولشرم وجمال جوهـــــــــا زى القمر فى نهار وليل
تلقاها جنة ربنـــــــــــــــــا بهواها وناسيمها العليــل
مشوارى فى هواك يا وطن مشوار مع الدنيا طويــل
رفعت اسمك فى السمـــــــا وجهادى فى سبيلك قليل
وحملت اسمك يا وطــــــن والحمل فى بعادك تقيـــل
أنا ابن مصر الطيبـــــــــة أنا ابن ناس ملهاش مثيل
طيبة وخفة دمهــــــــــــــم متورثة جيل بعد جيــــل
أنا نور جبينك يا وطــــــن أنا شمعتك أحمد زويــــل
صورة أرشيفية
مشاركة
اضف تعليقاً واقرأ تعليقات القراء
مشاركة
