فيسبوك
واتساب
صفوف كلكم فى الطابور انتبــاه
وكُله يوّطى وإيــــــــــــــده وراه
عشان راح نمّشى البلد بالأوامــر
وكل اللى سامع يجهز قفــــــــــاه
.......
وكله هايمشى بأمر الفلــــــــــول
ديابة وثعالب وتمساح وغــــــول
عشان النظام لسه قاعد مكانـــــه
ولسه إيديه ماسكة كل الأصــــول
.......
ولسه العتاوله رجال النظـــــــــام
إيديهم بتلعب صحيح مش كــــلام
وكل الوزارة هاتفضل معاهــــــم
لحد ما توصل لبر الســــــــــــلام
.......
وحتى المجالس هاتبقى ديكــــــور
وهانجيبها تشهد بأكملهــــــــا زور
وملهاش تناقش قرارالحكومــــة
وأتخن ما فيهم يقف فى الطابــــور
.......
ووقت المناقشة هايرفع إيديـــــــه
واحنا اللى يمشى قرارنا عليـــــــه
ويبقى (اللواء) هوه سيد قــــراره
وهو اللى عارف هاينفعنا إيـــــــه
.......
وريما هاترجع عادتها القديمـة
عشان كل حاجه هاتفضل سليمة
ولا رجوع مصانع ولا رجوع مزارع
عشان اللى ماضى عقودها بهيمـــــة
.......
وأما محاكمة رؤوس النظــــــــــــــــام
وحضرة معالى رئيسنا الهُمــــــــــــــام
هاتبقى القضية فى إيد عزرائيـــــــــــل
ونصبر عشان المحاكمة حــــــــــــــرام
.......
جانب من المظاهرات
