فيسبوك
واتساب
عايش يومى بقوم مــ النوم
أصحى ألم همومى و أقوم
عارف أن اليوم هيعدى
حتى الذكرى كمان هتعدى
ذكرى سعيدة ولا حزينة
كلوا فى آخر اليوم بيعدى
رايح شغلى بقول حرية
ثورة يا ناس ولا دى مش هيا
ثورة وقامت ع التوريث
قامت ضد رئيس إبليس
قامت ضد فساد وعناد
ضد الظلم و الاستبداد
قولنا بصوتنا إرحل غــور
يرحل كل فساد وفجــور
وبعد ما سقط الظلم وغار
و راحت شهدا بضرب النار
جايلى واحد يقول دول كفــار
إحنا الثورة و الثوار
جاى بيحدد إيديولوجيا
جاى بيقولى إسلامية
مصر بلدنا دى مصرية
مصر الكشرى والتقليا
مصر الفول والطعمية
مصر حضارة فرعونية
مصر حكيم و منير وحليم
مصر أذان و صلاة و ترانيم
مصر لكل المصريين
عايش يومى بقــوم مـ النوم
أصحى ألم همومى وأقوم
عارف أن اليوم هيعدى
حتى الذكرى كمان هتعدى
ذكرى سعيدة ولا حزينة
كلوا فى آخر اليوم بيعدى
صورة أرشيفية
