راضى على حسين يكتب: صوتك لصالحك

عبـِّر بصوتك جات فرصتك ** لو سلبى راح تموت بحسرتك
قاعد بتشكى ألمك وتبكــــى ** اختيارك حقيقى هيمسح دمعتك
قوم وشارك هتضمن حقوقـك ** وهات اللى يخدم دايرتــــــك
صوتك أمانه يرفع ويخفض ** صمتك سكوتك أساس بلوتك
اوعى تنام مين اللى غيرك ** يقوم بدورك يقولك كلمــــــتك
اختارمرشح حاسس همومك ** ويرسم فوق الشفايف ضحكتك
خايف عليك يرعى مصالحك ** تعليمك ودعمك كرامتك صحتك
بيصرخ يقول أهلى وبلــدى ** ويعرف يصونك يحل أزمتـك
خليك مثالى لابنك وبنتــــك ** يفهم حقوقه ويكمل خطوتك

روح وانتخب خليك إيجابـى ** وارسم خطوطك بلون رغبتك
اطلع وساهم فى واجب عليك ** تلقى النزاهة ألحان غنوتــــك
بلدك بتنده تنادى عليــــــك ** صندوق الانتخاب طريق حريتك

لو كل واحد فينا قصَّــر ** مين يا وطن ينوِّر شمعتـــــك؟