سامى النويهى يكتب: ديمقراطية

ديمقـــراطية ديمقــراطية
أيــــــــوه هى ديمقراطية
ديمقــــراطية بس هـــــى
ع الطــــريقة الأمـــريكية

إسرائيلــــــى احتل دارك
قـــوم وقــــدم لــه التحية
سيب له دارك باختيارك
خلى عنــــدك مفهوميــة
أصل مهما يكون قرارك
النتيجـــــــــة هــى هــى
هو مـــــات أسود نهارك
أنت مت ملكش ديــــــة

أمـــا لــو فكــــرت نوبة
قلت أجيب حقى بـإيديا
والشيطان قـــالك بطوبة
تخــــزى عين السمّاوية
تلقى فوق راسك عقوبة
من الحبيبـة الأمـريكـية
وإن مــا قلتش يـابـا توبة
تبقى أمـــك إرهـــــابية

إسرائيل تسرق وتنـــهب
بس غلبانــــــــة وضحية
إسرائيل تهــــدم وتضرب
مش جــــــرايــــم إنسانية
إسرائيل بــالكـــدب تكتب
ألف فـيـــلم وتمثيـــليــــة
وإن تــلومـها وللا تعتب
يبقـــــى منــــك للسامية

الفلسطينى اللــى صابـــــر
نص قــــــرن ع الأذيـــــة
فيها أيــــــه لــو تنو صابر
نص تــــانى ويبقــــــو مية
واليهــــودى ابـــــن الأكابر
يبنى دولـــــــــة صهيونية
واللــــى يبقى ساعتها فاكر
يبقــــى يــــرفع كام قضية