فيسبوك
واتساب
اجرى والحق حتة تورتة
قبل ما تخلص.. قبل الورطة
اجرى والهف قد ما تقدر
خدها نهيبة ولاّ أونطة
هات عفاريتك تهبش هبشة
وتجرى بسرعة قبل الشرطة
مهما نهاتى.. ولاّ نعانى
شكلنا تانى ف رحلة ل مالطا
خد ف الحله أو ف إزازة
أو هات شنطة
خد كميه تكفى الميّه
وفوق ع البيعه حتة سُلطة
ما يهمكش.. تخرب تعمر
أو ف بلدنا نموت بالجلطة
حتة كبيرة ويا فطيرة
وكرسى ف مجلس يعملوا خلطة
خايف والله بعد دا كله
تبقى عيشيتنا عيشه أونطة
نشحت فول لجل فطورنا
ولجل عشانا نسرق حنطة
والديانة تطبق طوقنا
وتخربشنا زى القطة
نرجع نلطم ولاّ نولول
ولا نغنى.. حطة يا بطة
صورة أرشيفية
