فيسبوك
واتساب
الحكم مش بالسيف
والعدل مش بالكيف
يا شعب يا مكبوت
راجع لكتم الصوت
والحكم بالـنَبــّوت
وكأنها لم تكن
ثورة وقطمها حمار
مسروقة م الثوار
والفاعل هنا مستتر
متخبى ف الدواليب
لابس قناع شفاف
ومخبى وش الديب
والبرد مش مستور
لابس شهادة زور
يا وطنى يا محبوس
بين الديدان والسوس
سايق عليك الليل
ماتسبش قلبى عليل
خوفى عليك وجّاع
وماعدش قلبى يساع
حزن ودموع بالكوم
نستنى طعم النوم
يا وطنى يا مظلوم
فيك الشهيد متهم
والجانى مالُه حساب
والجرح لم يلتأم
طول ما البعيد متساب
ياعدل يا هربان
قطرك بلا قضبان
راضيلنا ليه بالهم
حيره وحرقة دم
يا تمشى ع الصراط
ياترحل بقى وتتلم
ميدان التحرير
