فيسبوك
واتساب
وصل بيّا ودخل القطر
مكان جميل شبه القصر
بصيت حواليا لقيت
نفسى جوه محطة مصر
مصدقتش نفسى من جمال المنظر
وفضلت بعينى فيها أصور
وقولت تسلم إيد اللى اشتغل
وجدد فيها وزيّن وطوّر
محطة مصر.. باب الحديد
واكبت العصر ولبست جديد
وأصبح ليها تصميم مميز
رائع جميل ذو طابع فريد
محطة مصر من بره كمان
جميله زى جوه تمام
محطه تليق بمصر الثورة
وشعبها الطيب الهمام
محطة مصر.. بقت فخر لينا
من يوم ما اتجددت ولبست زينة
بتمنى نحافظ عليها كلنا
ومانخربهاش ياولاد بلدى بأيدينا
محطة مصر
