يابهية وخبرينى ع اللى قتل ياســـــــــــــــــــــــــــــــــين
يابهية وكلمينى طب ليه اتقتل ياســــــــــــــــــــــــــــــين
يابهية اوصـفيلى إزاى قتلوا ياســــــــــــــــــــــــــــــــين
ردت بهية حزينة مكســـــورة ودموعها نازله م العينين
قالت قتله مصـــــرى زيه لكن لاعنده مله ولا عنده دين
ده ياســـين كان شــــــاب مصرى عمره يادوب عشرين
كان نفســـــه يشــــــــوف بلاده حُره طـاهره م الظالمين
نزل يعلنها بصــراحة فى الشوارع والحوارى والميادين
حتعيشـــــــى طاهرة يابلدى وفخورة بولادك المخلصـين
طلعوا عليه كلاب الحراســـــــــــــــة جعانين مسـعورين
ضربوه بالرصـــاص الحى فى صدره وكمان فى العينين
افتكروا لو مات ياسـين حتموت بهية وتكون م الهالكين
نســيوا إن لو مات ياســــــين فى غيره ألف ألف ياسين
وعد ومكتوب على كل مصــــــرى ومسـطر على الجبين
ناخد حقك ياولدى ونقضــــــــــــــى ع الخونة المجرمين
وتعيشى حرة وطاهرة يابهية وفداكِ مليون ياســـــــــين
يا بهيّة وخبرينــــــــــــــــــــــــى وقولى مين بكّاكى مين
مين عايز يطفى شـموعك ويســـــــــــــــــيب ليلك حزين
مين عايز يخمد ثورتك يقتل فرحتك يخــليها حزن وانين
مين يابهية باعك ومين اشترى ومين شـايلك ف العينين
ياأغلى من عنيه يابلدى ياعشــــقى ياحضن الموجوعين
وعد ومكتوب على كل مصــــــرى ومسـطر على الجبين
ناخد حقك يابلدى ونقضـــــــــــــــى ع الخونة المجرمين
يابهية وخبرينى ع اللى قتل ياســـــــــــــــــــــــــــــــــين
يابهية وكلمينى طب ليه اتقتل ياســــــــــــــــــــــــــــــين
يابهية اوصـفيلى إزاى قتلوا ياســــــــــــــــــــــــــــــــين
شهداء التحرير فى الأحداث الأخيرة
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
هيثم نحيلة
الله الله علي القصيده الروعه .
عدد الردود 0
بواسطة:
سحر الصيدلي
حتعيشـــــــى طاهرة يابلدى وفخورة بولادك المخلصـين