د. هانى أبوالفتوح يكتب: مصرى بحق !!

لوكنت حقيقى بتحبها
أو كنت نسيتها وقلبك رَق
لوكنت وزير أو كنت غفير
شُفت عَلَمْها قلبك دَق
شارك دايما فى مصير بلدك
علشان تبقى مصرى بحق
.........................
صفحة جديدة بنكتب فيها
شارك عَلِّى وابدأ بيها
ليه تكون سلبى وندخل شَق
ليه تحتار؟ روح اختار
صوتك .... صوتى
أول خطوة طريق وانشق
عبر قول عن رأيك قُوم
قارن بين ده وبين ده
فكر .. عَبَّرْ .. أيوه ولأ
مصر دى بلدك
بلدك وانت بيها أحق
........................
خللى قرارها من جواها
بنحبها ونموت فى هواها
علشان كده لازم نِتْغَيَّر
نبدأ نفهم الوطنية إيه معناها
......................
الوطنية
كلمة كبيرة وبِنْرَجَّعْهَا
شوفنا كتير أيام سُوده
الله لا يِرْجِعْها
بالسلبية بِعْنَا حقوقنا
وبالإيجابية هَنْرَجَّعْهَا
صوتك صوتى هيبنوا وطننا
إوعى تفرط تانى فى حقك
بلدك تعبت وانت دَوَاها
.......................
أسوأ شىء فى السلبية
بالسلبية تضيع حرية
وبالسلبية نزيد أُمية
كل الأمم الخالدة بتبنى
وعلشان تبنى تكون إيجابية
والإيجابية فى قرار حُر
..........................
شارك يالا فى مصير بلدك
كل قرار نابع من صوتك
والجبروت بيزيد فى سكوتك
يبقى هترجع تانى وتسكت
وللا تشارك تبنى حياتك
قبل القَطْرْ ما يجرى يفوتك
.........................
مصر الغالية بلدنا أمانة
هتعيش بيك دايما مِنْصَانة
مش راح نقبل تانى بظلم
ولا راح نقبل أى إهانة
دا الساكت عن حقه خيانة
علشان كده هنروح ونشارك
ونرجعها فى أعلى مكانة
...........................
روح اختار بين ده وبين ده
بين كلمة أيوة وكلمة لأ
مصر دى بلدك
بلدك وإنت بيها أحق
شارك علشان تبقى حقيقى
مصرى بحق .. مصرى بحق