فيسبوك
واتساب
حسبى الله ونعم الوكيل فى الحزب الوطنى المنحل بكل رموزه بداية من رئيس الحزب الى ... أنا مش حتكلم على الفساد بكل أنواعه اللى مارسه هذا الحزب، ولكن حتكلم عن الخطأ الفادح اللى ارتكبه هذا الحزب فى الحياة السياسية وهوانه قضى على جميع الأحزاب الأخرى وجعلها أشباح وأشباه أحزاب، لم يجعل له أى أحزاب منافسة، قبض على زعماء الأحزاب وسجن البعض واعتقل البعض ولفق التهم للبعض الآخر، حتى المستقلين الذين كانوا ينجحون فى الانتخابات السابقة كانوا ينضمون للحزب الوطنى.
والنتيجة.. إن لما الحزب الوطنى انحل الواحد مش لاقى اى حزب ينتخبه حتقلى حزب الوفد (دمر الحزب الوطنى تاريخه المشرف ) والسبب الحزب الوطنى حتقلى الأحزاب الجديدة ( أقلك إيه شفت منها – أحزاب عاجزة).
دى الأحزاب الجديدة مقدرتش تكمل القوائم بتاعتها اللى حتدخل بيها الانتخابات وراحت تضم أى أسماء وخلاص علشان تقدم قوائمها، وكمان لولا إنى اللجنة العليا للانتخابات أخرت ميعاد تقديم القوائم لكانت هذه الأحزاب اتفضحت ومعرفتش تكمل قوائمها.
حتقللى الحرية والعدالة حقلك على عينى وراسى بس:- أنا إنسان محتاج وقت لأشاهد بعينى وأسمع واقتنع والسبب النظام السابق، يعنى الإعلام السابق فى النظام السابق غرس فى نفوس كثير من المصريين إن جماعة الإخوان جماعة محظورة، جماعة منشقة، جماعة متشددة.
أنا محتاج وقت علشان أغير وجهة نظرى، والعيب مش فى الحرية والعدالة العيب فى اللى ضللنى وخدعنى وخلانا عايشين فى وهم، وبنقول على الخطأ صح والصح خطأ.
صورة أرشيفية
