فيسبوك
واتساب
يــــاغربة لابايدى اختارتك ولا بهوايـــــــــا
كارهك ومن قلبى بقولها ومن جوايـــــــــــا
آن الآوان ابعد همك عــــــــــن دنيايــــــــــا
آن الآوان إنــــــــى أقولك بس كفايـــــــــــة
أيــام وسنين بتجرى وأنــــــا داير كالسواقى
سرقتى أحلى عمرى وعينك ع اللى بــــاقى
لو كـــــــــان الأمر أمرى ماكــان بينا تلاقى
أنا عشتك غصب عنى وح افوتك باشتياقى
أنـا ماشى وعايز أقولك مش ح اقبل ارجعك
مفيش فى القلب حاجة يـــــــــا غربة ح تنفعك
لا أنــا عايز أحكى عنك ولا أشوفك أو أسمعك
دا أنــــــا م اللى شوفته منك مستخسر أودعك
تعبت يــــا غربة منك والقلب معدش قــــــــادر
يتحمل تـــانى غربة ويعيش على طول مهاجر
يــــا تاريخ ح أرميه ورايا انسينى وابقى شاكر
لا متحاوليش معايـــــــــا خلاص جبت التذاكر
صورة أرشيفية
