فيسبوك
واتساب
فى حد بيحب مصر
يقتل مصرى مسالم
وفى حد يسكت على كده
إلا لو كان جبان أو ظالم
مسئولية مين واحد عينه تروح
قولى يا مجلس يا حاكم
مين السبب فى المجزرة اللى حصلت
أنا جاهل وأنت اللى فاهم
لو كان دا حصل مش بأوامرك
يبقى أنت لا مؤاخذة نايم
ولو كان حصل بأوامرك
يبقى أنت لازم تتحاكم
رجعت البلد لورا بدل ما تطلع قدام
وخليت الغضب فى قلوبنا عارم
كان إيه لزمتها وثيقة السلمى
فى وقت خطير وحاسم
وليه مش عايز تقول أمتى هتسلم السلطة
طمعان فى السلطة ولا عاملها مفاجأة للعالم
اتقى الله فى مصر أو سلمها لحكومة إنقاذ
بكفايانا بقى مآسى ومظالم
صورة أرشيفية
