فيسبوك
واتساب
أنا عارف إن كل أب بيكلم نفسه خوفا من الفوضى.
وعارف إن كل أم قلبها هيتخلع على ولادها وبناتها حذرا من غياب الأمن.
وعارف إن كل صاحب دكان أو صاحب مصنع حاطط إيده على قلبه تحسبا للانهيار.
ومن غير فلسفة أو نظريات أقولها لك من كل قلبى:
ما تخافش
صدقنى ما تخافش
الشعب اللى حمى نفسه بنفسه أسبوعين بعد انسحاب الشرطة
والناس اللى وقفت جنب بعض كتف بكتف فى اللجان الشعبية
والناس اللى استحملت وضحت
مش هتسيب بلدها تقع
الأمل مش فى المجلس العسكرى
والأمن مش عند الأحزاب والقوى السياسية
والتغيير مش بس فى البرلمان والحكومة
الأمل والأمن والتغيير فى الشعب اللى عاوز البلد دى تفضل واقفة على رجليها.
طول ما إحنا جنب بعض فى الشارع وفى البيوت باقولك بجد صدقنى: ما تخافش.
