فيسبوك
واتساب
مين اللى عايز شمسك تغيب
ومين اللى رافض جرحك يطيب
ومين اللى خلا حبيبك غريب
وجايب مشاكلك ومانع حلول
**
مين اللى باعك فى سوق احتكار
وقصقص ومصمص وخصخص جدار
وجابلك ضلامك فى عز النهار
وعايز نجومك فى ليلك تزول
**
مين اللى خانك وجابلك قيودك
وغشك وهانك وأخلف عهودك
ومين اللى شانك وقاطف ورودك
وعايز جناينك تعيش الذبول
**
مين اللى زوَّد ليكى دموعك
وعايزك تتوهى ويطفى شموعك
ومين اللى نفسه يحطم قلوعك
ونفسه مواجعك طريقها يطول
صورة أرشيفية
