فيسبوك
واتساب
احترام للاعتصام اضربوا له تعظيم سلام
لحد إمتى حيفضلوا يمنعونا م الكلام
لحد إمتى حتكون العصايا والقنابل والرصاص
إيد التخلف للنظام
بأى حق تمنعونا
نمارس حقوقنا فى الكلام
يعنى إيه شباب مسالم ينضرب
ينسحل ينقتل
من جندى جاهل من غير علام
كل االلى همه ينفذ مهمة
يقول فى النهاية كله يا فندم تمام
لسه ماسقطش النظام
لسه اللى جوه السجون
همَّ اللى بيديروا النظام
حلفوا ما تعيشى يا مصر فى أمان
ولا تتقدمى يوم للأمام
يعنى م الآخر وببساطة
ناويين بجد ع الانتقام
يعنى إيه لما أقول رأيى بصراحة
يبقى فى شرعهم وزر وحرام
يعنى إيه أدى ثقتى لناس تحمى ثورتى
ألاقيهم بيحموا ثورة تانية
اسمها فلول النظام
لسه ما سقطش النظام
عملت إيه ثورة يناير
من تغيير وعدل وسلام
ثورة ماقدرتش تحاكم للنهارده
بعض رموز النظام
يبقى ضرورى بجد ثورة تانية
يقودها شبابنا الهمام
بس ثورة يكون ليها قائد
نضرب له تعظيم سلام
صدقونى ثورتنا جاية
دى الحقيقة مش كلام
ثورة تحقق العدل فى بلدنا
تفوقنا من الغفلة من الأحلام
ثورة تخلينا صف واحد قلب واحد
زى المصلين خلف الإمام
مصر محتاجة تنضف بجد
من كل أعداء السلام
مصر محتاجة كل وطنى
محتاجة حب محتاجة جهد مش كلام
ساعتها بس نحقق حلمنا
والشعب يُسقط النظام
ثوار التحرير
