فيسبوك
واتساب
ادهن وشك غيِّر عشك = باين إنك كنت فلــــــول
كنت بتسرق قوت أولادنا = وتضحك لمَّا أعيش مذلول
جاى تتلون كالحربايه = ونفسك حلم الثورة يزول
نفسك يرجع تانى الباطل = كدب وغش يصول ويجول
يا ما نهبت الدعم بتاعى = وأنا محروم من صحن الفول
يا ما خدت وظيفة ابنى = وتحت القبة تنام على طول
جاى تخدعنى وتاخد صوتى! = وكل ملامحك ليها مدلول
جاى دلوقتى عارف عنوانى! = وكنت عاملنى شىء مجهول
عهدك وعدك كله كلام = وياما قفلت خطوط محمول
كنت توافق كنت تنافق = تعزف رشوه تدق طبول
خدت حصانه علشان نفسك = وتجيب أزمة ماليها حلول
خدت قروض البنك لكرشك = تسقيع أرض ودبح عجول
دا أنت بجد حقيقى أنانى = وكل ضمير يصرخ ويقول
هاتوا قانون الغدر يا ناس = وخلوا الفـِل يعيش معزول.
صورة أرشيفية
