فيسبوك
واتساب
الموضوع لاهُو فجأة
ولا بالنسبالى مفاجأة
عشت المر سنين بطويها
ضعف الحيلة بيقلب جرأة
لما تضيق الدنيا ف وشك
نِفْسَك تحيا أيوة ف نِفْسَك
بكل كرامة بكل أصول
ولا بتآمن يوم على عشك
ده بيغشك ودا بيهشك
ودا بيلاعبك هشك بشك
يهبر عيشك ويقول حقى
ولو هتطالب عصا هتنشك
لما تقوم الثورة... مفاجأة؟
دمى بيغلى سنين م الحرقة
لما بخاره يقب ويطلع
عمرها يا ابنى ما تبقى مفاجأة
صورة أرشيفية
