فيسبوك
واتساب
علــــــــــى قلبى نقشتها
أى والله بحبهــــــــــــــــا
من أول يـــوم فى عمرى
ولآخـــــــــــــــر المنتهى
مصر الوردة النديــــــــة
شمس العمر البهيـــــــــة
وإن جـــــــارت يوم عليا
أقـــــــــــول مش قصدها
مصر اللـــى السلم دينها
رب الأكــــــوان صاينها
وحـــــــــده القادر يعينها
تفوق مــــــــــــــن همها
بــــلدى والعين صابتها
واللــــى بيهدم فى بيتها
لـــو مش عارف قيمتها
يبعد يــــــــــــــوم عنّها
عــــــاشق كل اللى فيها
مــــــــــن أسفلها لعاليها
وساعـــات بزعل عليها
مش بـــــــــــزعل منّها
بحلم تــــــــــاخد مكانها
وتعود درة زمــــــــانها
ولـــــــــو تحكم عشانها
أموت مـــــــــــن أجلها
غالية وترابها غـــــالى
ومقامها كبير وعــــالى
ماخطرش يوم فى بالى
إنى أهجـــــــر أرضها
ولا غــــــابت عنى مرة
ولا ليها ف قلبــى ضرة
وصيت إن مت بــــــره
أتّــــــــاوى فى حضنها
علم مصر
