رئيس مصر
نفسى رئيسك يجى يا مصر
لأنه بجد لسه ما جاش
عايز واحد يعشق مصر
حالف يحميها م الأوباش
****
عايز واحد قلبه عليها
مش طمعان فى مكانة وبس
يبقى بقلبه بجد شاريها
وبالغلبان يشعر ويحس
****
كل اللى اترشح واتقدم
ناس محترمة وزى الفل
ولا ح تأخر ولا ح تقدم
ولا ح تغير طعم الذل
****
مصر لازمها واحد متنور
قلبه حنين عنده ضمير
شاب أصيل فى السن صغير
جسمه م حصن م المسامير
****
ولا يعرف حزب ولا فلول
ولا بيخاف من غير الله
كل عشاه طعمية وفول
وحمولة راميها على الله
****
لا بعمل ترجت وعمولة
ولا رأسه تنحنى لكبير
الكره فى دمه من الطفولة
لسلفة تمنها نكون طراطير
****
شاب حر ودمه حامى
فى ذات الوقت شاب رصين
يقعد حبه فى مكان حالى
وحبه مع الفلاح ع الطين
****
يركب ويا الناس أتوبيس
يزور فى جنازة ويهنى عريس
يعمل صفحة كمان ع الفيس
يتابع الشعب ويبقى ونيس
****
يظهر لينا فى التوك شو
مرة واحده فى كل شهر
يسمع لينا فى التوك شو
عن مشاكلنا الشهر بشهر
****
لجل ما يقتل فينا الفقر
وينورنا ويمحى الجهل
ويحول فى بلدنا الكفر
لأحلى مدينة ودا شىء سهل
****
وعشانه راح نغزل شال
من أجساد الشعب الطيب
نبقى معاه فى كل الأحوال
ويبقى معانا رئيسنا قريب
****
وبعد المدة نعطيه صوتنا
ونغنى له إحنا اخترناك
ولو يتغير لو على موتنا
لازم تبقى نهايته هلاك
****
صورة ارشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
محمد على
رائعة
من اجمل القصائد واتمنى لك التوفيق
عدد الردود 0
بواسطة:
عبداللطيف أحمد فؤاد
حلوة لكن يا وليد
عدد الردود 0
بواسطة:
د هاني أبوالفتوح
لعل قدر الله قريب