مصطفى مصطفى يكتب: انت بغبائك

مالك يا مصر نيلك فيه دم وناسك تغم
أنا بكرة صايم عشان رويتى زرعك بنيلك
وكله دم
...
دا صاحبى قبطى وأخويا ظابط وانت بغبائك
يتمتى أم
طب ما انت أمى ونيلك فى دمى
موتى صاحبى وموتى أخويا ودعيت عليكى
ماتشوفى أمن
هزعق وانادى لاحزب عايز ولا ائتلاف
أنا عايز أمى تضحك تغنى وفى عز بردك تجيبلى اللحاف
غراب غراب وخيال مآته طلوا عليا من الشاشات
دا يقول ديه حلوة ودا يقول دى وحشه
وأنا فى عذاب
ولا حد فاهم ولا حد عارف عداد وداير
وكله بحساب

صفى الشوائب وابنى اللى ساقط لولع بجاز
هولع فى نفسى ما أنا اللى فاضل فى أرض
العذاب
يا مصر حنى وعلينا منى براجل حقيقى شبه
السادات
تكون روحة شعبى وخريج ساحات وبيرطن
لغات
ولو يوم كلابهم رطنوا علينا يلاقوا اللى ياخد ويدى
بلغات