فيسبوك
واتساب
بلدنا عايزه تانى عبــور = يصحى ضميرنا بعلم يتور
نعمل نهضة فى الإنتاج = نبنى مصانع مكن يدور
نخلِّى اللون الأصفر أخضر = نزرعها سنابل ويَّا بذور
رمز السبلة يبقى شعــار = ننسى وقفة فى أى طابور
تعالوا نجدد حلم معانــا = نرمى اليأس دا تحت بابور
إيدى فى إيدك مشروع قومى = نخلِّى الفقر يخش جحور
اوعى تقوللى الميه قليله = آبار أنهار أمطار وبحور
أوعى تقوللى الإيد العاملة = هاتوا شبابنا أديه بيغـور
شرق وغرب يروح بيهاجر = يرجع جثه خاطرمكسور
اوعى تقول عايزين تكاليف = رجال أعمال شرفاء موفور
بس إديله أنت أمـــــــان = مرفق حيوى طريق وجسور
وبلاش بكره وبعده تعالى = دمغه روتين أختام ونسور
تعليم مهنى صناعى زراعى = مش بس قرايه وفك سطور
عـلماء معانا فى كل مجال = شموس فى بلاد الغير وبدور
لمَّا نوينا بنينا الســـد = وكانت الهمه دماء بتفور
كل تاريخ حضارتنا بيشهد = عرق المصرى دا مسك كافور
سمِّى وخطى بقلب جرئ = ف أول خطوه يشق النور
نلقى الصحرا نبات يتكلم = وينسى قاموسنا كلمة بور
اللى صنع أهرام وأكتوبر = قادر يخلِّى الصحرا زهور
أرشيفية
