فيسبوك
واتساب
مهما تحاول مهما تخـون = كيدك مكرك كله ظــنون
عهد الباطل عدا وفــــات = شوف أسيادك جوا سجون
عشت بتعزف لحن غرورك = كرسى مناصب بيها مفتون
راكب موج الشر بتبطش = رشوه فساد بتغمى عيون
كدب خداع وماشى تتمخطر = همك تملا كروش وبطون
كنت بتسرق قوت أولادنا = خليت صوت الحق سكون
كنت تقول الشعب دا مات = وإحنا ملوك نحكم بجنون
تمضى توافق ماشى تنافق = والتزوير ألوان وفـــنون
علشان تبنى قصر وفيلا = كل مبادئ ليك بتـــــهون
بعت الذمة سالب ناهب = وكل ضمير وياك مركون
لسا الشر معشعش فـــيك = زارع شوك بترش طاعون
عايز حلم الثورة يمــوت = غدرك باين أصــلك دون
اصحى فوق من وهم أمالك = نجم الظلم صبح مدفـون
مهما معاك الباطل زهزه = مهما السحت معاك مخزون
ربك شايف كل جرايمك = عدل المولى دا أقوى قانون
ومهما تحاول تأذى بلادك = ربنا راعى ليها بيصـون
ومهما تغيـَّر جلدك توبك = عارفين إحنا مين بتكـون
الرئيس المخلوع حسنى مبارك
