فيسبوك
واتساب
30 سنة سجن انفرادى بهاتى..
ليلى نهار مسموم..
مسمعش غير أهاتِ
ورا الحديد مسجون ممنوع من الصرخاتِ..
شايف بعينى هموم والرقص بالصاجاتِ
أنينى مهما يدوم يستمتعوا بنغماتِ..
سجانى واد مشؤم عامل الخليفة زناتى
هويةُ لعب الشوم والدق على الوجناتِ
على الضحية يزوم مستعرض العضلاتِ..
يركع يصلى يصوم يتوضا بالعباراتِ!
يدعى دعاء مظلوم.. حببنى فى ذاتى..
ازد لازاتى..
اخر عليه الموت.. ضحيتى قُرباتى
ياظالم
مهما يزيد الويل.. فاسد وبيهنى!
مهما يطول الليل صابر ومستنى
نصر الزمان مدفون طالع وهيسمى..
على الجدار مكتوب حريتى بدمى
عشتى يا أم الكون عشتيلى يا أمى..
مصرى ومهما يكون تريائى من سمى
لمحة يا واد فى صوتك نبرة عنادى!
حاسة فى صدرك دقة فؤادى..
شكلك يا واد من ولادى!!
أنا المعتصم ياما..
أنا المعتصم ياما ولادك من التحرير..
دمى جراح أمة محتاجة للتطهير
أخواتى واللمة وقفنلك الطوابير..
نرفع الهمة بالحمد والتكبير
يلا انفضى الغُمة دة الصبح له تباشير..
يلا افتحى الجنة جيلك شهيد بيطير
الكل يستنى صوتك فى ودنى هدير
لساك فاكر التغير؟ إية جرالك؟.. سيباك حر وأمير..
سيباك لحمك مرير
مين بدلك.. أهه بهدلك.. ملعون أبو التهجير..
غصبن يامّا علىّ..
كَتفوا أيدىّ غموا عنىّ..
خلعوا من قلبى الجهاد والشهادة..
وزرعوا مكنهم وظيفة وشهادة!
وعيشة بحسبها هنية.. إنما هيه الذل والهوان والنفس الدنية
حقك علىّ.. مادد إيدىّ..
جتلك من التحرير بتنفس الحرية..
شوفلى يا واد عمك سلامة..
دور عليه..عظمة كبيرة.. صاحب شهامة
صبره فى عينيه.. والصدق فيه أكبر علامة
يرضيك ياعم حافظ.. شايف النعامة جوه التراب.. شايف الندامة؟!!
فين بيتى؟ فين أرضى؟ فين نيلى فين عرضى؟
فين علمى؟.. فين قيمتى؟..فين جدرى؟
فين هبتى؟..فين أملى؟.. فين قلمى؟
فين دينى؟.. فين مالى؟.. فين طينى؟.. فين حالى؟
عايزة عيالى.. فنهم يا غالى؟ فنهم عيالى؟!
هناك ياما.. بُصى شوفى أحمد وسالى.
شيفا مينا.. .بيوضى هانى
شيفا الميدان.. شيفا الجموع.. مفيش رُجوع..
شيفا الجمال مفيش رُكوع
مفيش مياسة مفيش خُنوع
يلا اهتفى..القلب يرقص فى الضلوع..
اُومى أخطوبى الكل حاضر.. الكل واقف.. الكل سامع فى خشوع.
أبدأ ياواد بالعلم والبحث والتفكير..
يمشى فى ظلال العدل والجِد والتنوير
واحكم بأصل وسند والصدق والدساتير..
وارفع ريات البلد بالشكر والتقدير
لكل طفل أنولد يصبح فى علمة خبير..
واطرح بذور الرضى.. واسمع لكل فقير
تلقى الإله يعطيك العقل والتدبير..
وكل شىء يغنيك تصبح لقلبى سفير
وأتباهة وأفرح بيك وارسملك التصوير..
من الجراح أدويك.. دمك ياواد ده عبير
واحضن ضنايا ولادى.. خشهم يا كبدى حرير..
واكسر ضلوع الماضى عمرك ما كنت أجير..
عمرك ما كنت أجير
حاتم ابراهيم
