فيسبوك
واتساب
إمتى بس تقربى؟!
وحشنى حضنك والنبى
ياللى غاويه تهربى
آدى حضنى يساع حنانك
إمتى بس تقربى؟!
ادى كتفى يشيل حمولك
ليه نسيتى وشى الأسمر
قدى عود القمح الأصفر
عينى اللى تفيض بنيلك
لما عنى تغربى
لما حلمى يصير هتاف
لما أكون فيكى وأخاف
لما أدوق طعم الجفاف
وانتى زادى ومشربى
لما أموت على باب نهارك
لما تبقى فى السما والنجم دارك
ومن أنينى تطربى
تهجرينى يزيد هواكى
تكرهينى أقول ملاكى
تبعدينى عن حماكى
ليه رضاكى مطلبى؟
ليه نسيتى إنى ضناكى
وإنى عشت سنينى شاكى
وإنى أعيش وأموت فداكى
ليه تقولى ده غبى
امتى بس تقربى؟!
ياللى غاويه تهربى
صورة أرشيفية
