فيسبوك
واتساب
كان نفسى يوم أشتغــــــل تاجر بتاع طراطيـــــــــر
افتح محل كبيــــــــــــــــر وابيع كمان زماميـــــــــر
وأبيع حداوى وطواقـــــى ليها زر طويـــــــــــــــل
واعمل كافيه للبلــــــــــــد كل زباينه حميــــــــــــــر
......
وكنت ناوى اجيـــــــــــب لكل بغل لجـــــــــــــــــام
واجيب برادع كتيــــــــــر للشعب والحُكـــــــــــــــام
وازرع جميع الغيطـــــان بالتبن والبرسيـــــــــــــــم
وامنع طباعة الكتــــــــــب واقول عليها حـــــــــــرام
......
وكنت ناوى كمــــــــــــان امشّى جنب الحيــــــــــط
واعمل مدهول عشــــــان يقولوا عليه عبيــــــــــــط
وكنت نـــــــــــاوى اروح مستشفى للمجانيــــــــــــن
والبس كمان بردعــــــــــه واشيل عليها غبيـــــــــــط
......
لكن فى ليله لقيـــــــــــــت الثوره فى التحريـــــــــــر
وشباب شجاع محتــــــرم بينادى بالتغييــــــــــــــــر
غيرت رأيى ومشيــــــــت ويا الشباب على طــــــول
وادينى على الحال كــــــده مبسوط بقالى كتيـــــــــــــر
......
لكن الصراحة كــــــــــــده محتار بقالى كام يـــــــــوم
سهران ليلاتــــــــــــى ولا قرب لعينى النــــــــــــــوم
مش لاقى حاجه بتحصـــل من اللى قولنا عليــــــــــــه
و(عصام شرف) بالطنـاش زوّد لهمى همـــــــــــــــــوم
......
والله خايف أفكـــــــــــــــــر تانى زى زمـــــــــــــــان
وأبيع تيشرتات شبـــــــــاب مرسوم عليها حصــــــان
وابيع طرح للبنــــــــــــــات مرسوم عليها خـــــروف
وافتح مطاعم طبيـــــــــــــخ كوسه على بدنجـــــــــــان
