فيسبوك
واتساب
بتكتر جروحك وخايف عليكى = خايف تتوهى وتبكى عنيكى
شايف ديابه بتربط إيديكى = عايزه جناينك تصبح خراب
بتكتر جروحك وبكرا تطيبى = دا حاقد وحاسد عايزك تغيبى
بينخر حيطانك ونفسه تشيبى = ومهما يحاول دا غدره سراب
ريحة دموعك بتملا الطريق = وخايف شراعك يصبح غريق
دا فاجر بيشعل فيكى حريق = ومجرم وقلبه بلون الغراب
يا حلوه يا سمره يا أم الجناين = يا شمس المحبه ونور المداين
دا غادر بيحقد وباين وخاين = ونفسه نسيجك يعيش اغتراب
أزمه تعدى وبكرا تروقى = بتبكى يا غاليه بتدبل عروقى
دا فرحك منايا وقمرى وشروقى = وبكرا عدوك يبوس التراب
صورة أرشيفية
