فيسبوك
واتساب
على لسانك تيجى الحكمة
كما جريت على لسانه
وكان الشرع منهاجه
وحط العدل ف سياجه
معاك مليار وأنا ميات
فطار كافيار وأنا أمهات
وبتدور على فوار عشان تهضم
وأنا مهضوم ونفسى أعيش لكن هيهات
وأخويا ف بلدى بيقصقص كمان قوتى
ناويلى النية مش خالصة على موتى
وفينك يا حكيم تفصل
تمد الأيد وتطبطب
ما شفتش لونى يا هدهد لمون أصفر
ولا النملة كمان سمعت مصارينى اللى بتزغور
يا ريت سليمان يسمعكم على عكازه متسند
دا بفهم ف الملاغية
ويفتى ف حالتى أو يحكم بتبيانه
يحط العدل فى سياجه
كطالب نعجة لنعاجه
يكمل م النعاج مية
هتسكت ولا تتكلم
على لسانك تيجى الحكمة
كما جريت على لسانه
صورة أرشيفية
