فيسبوك
واتساب
أنا كنت عارفة إنك مجرد حلم هيعدى وينتهى
شفت النهاية قبل الحكاية ما تبتدى
أنا كنت عارفة
بس من حقى أعيش حلمى وأتمنى يصبح حقيقة
حتى لو عارفة إنه كدبة هتنتهى قبل الحكاية ما تبتدى
أنا كنت عارفة
كنت عارفة إنه كدبة وصدقتها
إنه لحظة هتمر أيوة عارفة وعشتها
كنت بخدع نفسى وأتحمل
أكدب على نفسى وأقول أكمل
بس أكمل إيه.... ما لحلم انتهى.... وصحيت من الكدبة إلى صدقتها
ووهم عمرى إلى عشته بكل كيانى وهزنى.... غير مشاعرى غير زمانى لما حسيته وحسنى
حلم عدى والسنين فاتت كتير... بس فى خيالى لسه حلم كدبة حلوة وصدقتها
كذبتى اللى اتمنيت أعيش فيها مصحاش منها
حلم عمرى اللى تاه حلم أيامى إلى فاتت وسنينى إلى مرت
أيوة كنت عارفة إنى بحلم... كنت عارفة إنه كذبة بس حلوة وصدقتها ورغم السنين إلى عدت لسه ذكرى وفى خيالى حفرتها وفى قلبى كذبة حلوة وصدقتها
أيوة أنا كنت عارفة
صورة أرشيفية
