رامى محمد زين يكتب: الكورة والناس

يا كوره جننت الناس وهبلتها
ليا اقتراح صغير
أنا شايف الناس تتفرج فى بيتها
ع الماتش لحد الوضع ما يتغير
ياما ناس أترفع ضغطها
وناس جالها السكر
من كوره الحارس صدها
أو لعيب لعب من غير ما يفكر
وناس جالها القلب
وزادت عليها المتاعب
علشان فريقها إتعادل بالسلب
أو اتغلب بعد ما كان غالب
وستات اتطلقت واتخرب بيتها
وانتهت حياتها الزوجية
علشان والماتش شغال المحطه قلبتها
علشان تشوف التمثيليه
والنهارده.. فى ناس خراب بتستخبى ف الزحمه
وبتعمل فساد
وبطوب تروح حادفه
ومكسرة الأستاد
وتبدأ الهجوم
على رجال الأمن
وهوب خناقه تقوم
وعاطل على باطل يتلم
وتتشحطط الأهالى
ورا عيالها ف النيابات
وتقول أدى اللى جالى
م الكوره والماتشات
ما تيجى.. نحافظ على كرامتنا
ونبطل شويه نروح الإستاد
ونتفرج أحسن ف بيتنا
علشان اليومين دول الشغب زاد
ونشوف الماتش ف التليفزيون
ونقعد براحتنا على كراسينا
ولو لقينا شغب بسرعه نقوم
لحسن طوبه تيجى فينا.