فيسبوك
واتساب
تعالى صديقى نتحاور
ونتناقش ونتجادل
نبدل كرسى بالكرسى
وللأفكار نتبادل
افضفضلك تفضفضلي
وأقول ما عندى تسمعلي
واسمعلك
تخلى بلدنا فوق راسك
وفوق راسى
يشق الأرض محراتك
والملمها كده بفاسي
ونروى الزرع بعرقنا
ونحصد قمحنا الكاسي
ونقسم عيشنا بايدينا
ولا فضلك ولا فضلي
دا فضل الرب غطانا
وخلى الزرعة دى تكبر
بدرنا الحب وروينا
وباسم الله بنكبر
دا ربك ربنا الرازق
وخيره عليك اهو فاض لي
انفضلك تنفضلي
ما عاد ينفع خلاص بينا
وافضل لك وافضلي
حوار مفتوح بيجمعنا
افضفضلك تفضفضلي
وندى للحياة معنى
صورة ارشيفية
